Mondoñedo

Revista publicada en Mondoñedo a partir de febreiro de 1987. Saíu cada mes baixo o subtítulo “Publicación mensual, editada pola sociedade Amigos da cidade de Mondoñedo”. De carácter cultural, incluíu noticias literarias e información local, cunha sección fixa dedicada á poesía na que participaron López Dobao e Armando Requeixo. Demostrou un especial interese polos escritores da comarca (Noriega Varela, Miguel Lustres ou Marina Mayoral), así como pola obra de Cunqueiro.