montanismo

Movemento herético cristián orixinario de Frixia dos ss II e III, fundado por Montano. Xurdiu como un movemento apocalíptico e pneumatómaco, que sostiña as aparicións do Espírito Santo a través de Montano e dos seus seguidores. Defendían a inminencia da segunda chegada de Xesús Cristo e a imposición dun rigoroso ascetismo. A rama africana do movemento foi coñecida sobre todo a través dun dos seus adeptos, Tertuliano. Condenado por algúns sínodos asiáticos no s II e por Ceferino no s III, iniciou a súa decadencia no s V. Conéctanse a este movemento os movementos de pneumatoloxía e os pentecostistas, do cristianismo moderno.