monumento

Obra de escultura ou de arquitectura erixida para perpetuar a lembranza dunha persoa ou un feito memorable.

Edificio notable dun lugar ou unha cidade, coma as igrexas ou os pazos.

Obra de importancia notable para as artes, a historia ou a literatura dun país ou dunha cultura.

Sepulcro ou obra arquitectónica ou escultórica realizado co fin de honrar a un morto.

Monumento que polo seu valor arqueolóxico ou histórico, por decreto positivo, queda baixo a tutela do Estado con vista á súa conservación e restauración. Todos os monumentos quedaron desde 1803, en España, baixo a dependencia do Ministerio de Instrución Pública e Belas Artes. Para velar máis directamente os monumentos, en 1844 foi creada en cada provincia unha comisión provincial de monumentos históricos e artísticos, reorganizada en 1854. As primeiras actuacións provinciais remóntanse a 1870.