Móra d’Ebre

Municipio da provincia de Tarragona, Catalunya, situado na comarca da Ribera d’Ebre (4.612 h [2001]). Predomina a agricultura de secaño con cultivos de oliveira, vide e amendoeiras. No regadío destacan as hortalizas e árbores froiteiras, como pexegueiros, pereiras e maceiras. A gandaría avícola, de coellos e de gando porcino, complementa a agricultura. A actividade industrial, xunto co sector servizos, é a que ocupa maior número de poboación.