xaqueca

Estado patolóxico que se caracteriza por episodios periódicos e paroxismais de cefalea hemicranial. Diferéncianse dous tipos: a xaqueca clásica ou neurolóxica, en que o cadro comeza con trastornos neurolóxicos diversos, seguidos por cefalea hemicranial, náuseas e vómitos, e a xaqueca común, en que as alteracións neurolóxicas están ausentes, a cefalea afecta a toda a cabeza e as náuseas e vómitos poden faltar.