Xi’an ou Sian

Capital do sheng de Shaanxi, China, e da rexión do Noroeste (1.959.044 h [1990]). Situada na vertente setentrional do Qin Ling, dentro da fosa tectónica do Wei He e na súa confluencia co Huang He, é un importante centro comercial e un mercado agrícola. Ten importantes industrias téxtiles (algodón), de equipamentos eléctricos, de maquinaria e oleícolas. Alí descubriuse en 1974 o mausoleo do Emperador Zheng, rodeado de milleiros de guerreiros de terracota, de tamaño natural e todos diferentes entre si. Foi declarado Patrimonio da Humanidade pola UNESCO (1987).