Baamonde, Santiago de

Igrexa románica do s XII situada na parroquia de Baamonde (Begonte). De planta rectangular, ten nave única, con cuberta de madeira a dúas augas, e ábsida cuberta con bóveda de crucería. A nave e a ábsida teñen a mesma largura. O arco de triunfo é apuntado. A portada principal é de arco semicircular cunha arquivolta de pequenos arcos apuntados. Conserva sepulcros a ambos lados do presbiterio así como unha pía bautismal con relevos do mesmo período.