bagaxe

Todas as cousas que acompañan a alguén cando viaxa.

Conxunto de coñecementos, vivencias e experiencias que adquiriu unha persoa por distintos medios.

Equipaxe dun exército nunha marcha ou desprazamento.

Carga persoal que grava tan só a aqueles cidadáns posuidores de medios de transporte. Xa en Roma, os paisanos eran obrigados á prestación de vehículos de transporte ou de cabalerías cando o exército se trasladaba ou emprendía unha expedición militar. Teodosio o Grande e Valentiniano II xeneralizaron esta prestación, sen excluír nin os eclesiásticos nin os membros da familia imperial. Outra constitución do mesmo Teodosio, con Arcadio e Honorio, fixo extensivo o dereito de bagaxe ou angaria ao transporte das annonas polos exércitos. Durante a Idade Media persistiu a prestación da bagaxe, aínda que escapou do dominio do dereito público. Comezouse a regulamentar a finais da Idade Media.