Baikal

Lago de Siberia que se prolonga desde o SO ao NL e se estende desde 52° ata 56° de latitude N e desde 104° ata 110° de lonxitude L. Polas súas dimensións (600 km de longura, 75 de largura máxima e 31.500 km²de superficie) é o sétimo do mundo e o máis grande de Eurasia (sen considerar o mar Caspio e o mar de Aral). Ten como tributarios máis de 300 cursos de auga entre os que destacan o curso superior do Angara e o Selenga. O único emisario é o curso inferior do Angara. A fauna e a flora do lago están constituídas, nunha gran proporción, por especies paleoendémicas de auga doce. O principal recurso económico é a pesca, provedora das industrias derivadas.