Krolow, Karl

(Hannover 1915) Poeta alemán. Na súa obra compenétranse a tradición alemá da poesía da natureza e o simbolismo e surrealismo europeos. Despois da publicación de numerosos poemarios, en 1965 publicou os seus Gesammelte Gedichte (Poemas reunidos), e en 1975, un segundo volume cos poemas escritos entre 1962 e 1974. Cultivou tamén o ensaio poético en Schattengefecht (Pugna coa sombra, 1964) e a reflexión en Observationen (1986).