catro

1. cuant

   Número cardinal que equivale a tres máis un.

   Ex: Levan catro anos de noivos e non pensan casar. 

2. adx

   Que ocupa o cuarto lugar nunha serie. OBS:Nesta acepción adquire valor de ordinal e, polo tanto, equivale a cuarto.

   Ex: Chegou de catro e non recibiu ningún premio. Para exercer o voto debe dirixirse á mesa catro. 

3. s m

   Representación gráfica dese número. OBS:Na numeración arábiga represéntase por 4 e na romana por IV.

   Ex: A miña casa é o número 4. 

4. s m

   Catro marcas ou figuras de calquera tipo que indican ese número nun obxecto.

   Ex: Co catro de ouros gañoulle a partida. Botou a rodar o dado e saíulle o catro. 

5. cuant

   Que indica unha pequena cantidade indeterminada de algo.

   Ex: Vendeu as terras por catro patacos. Aínda que caeron catro gotas despois fixo sol. Para catro ovellas que ten non fai máis que fachendear da súa facenda. 

6. s f

   Cuarta hora despois das doce da noite ou do mediodía. OBS:Xeralmente vai precedido do artigo determinado as.

   Ex: A festa de aniversario celebrouse ás catro. 

7. [MÚS]

   Aplícase ás pezas para piano ou para outros instrumentos de teclado que poden ser interpretadas por dúas persoas nun mesmo instrumento.

8. [XEOG]

   Problema proposto por F. Guthrie a A. De Morgan en 1852 para demostrar que catro cores diferentes eran suficientes para colorar calquera mapa, é dicir, calquera división dun plano ou dunha esfera en rexións, de maneira que as rexións con fronteira común tivesen coloracións diferentes. En 1976 K. Appel e W. Haken demostraron coa axuda do ordenador que non era posible.

Frases feitas

• Dicir catro frescas. Dicir a verdade con claridade. Ex: Alí, diante de todos, díxolle as catro frescas e nin sequera lle replicou.

• Máis de catro. Moitos.