escape

(< escapar)

s m
Acción de escapar.
s m
1. Mecanismo que suxeita unha peza ou outro mecanismo e que, cando actúa, libera este último e permite o seu movemento.
2. [MÚS]
  Mecanismo do piano que, para evitar que o son se apague, fai regresar o martelo á posición inicial despois de percutir as cordas. Permite ademais apertar a tecla, se cómpre, rapidamente e de maneira repetida.
3. [TECNOL]
  Mecanismo que transforma o movemento oscilatorio do volante ou do péndulo en movemento de rotación das agullas do reloxo. En cada rotación libérase un dente da roda de escape que fai mover o mecanismo do reloxo en impulsos sucesivos e a unha velocidade media constante.
[TECNOL]
1. s m
  Tempo do ciclo do motor de explosión en que os gases producidos na combustión son expulsados ao exterior a través da abertura de escape, impelidos por medio do movemento do pistón dentro do cilindro.
2. tubo de escape
  tubo de escape.
s m [INFORM]
Nome da tecla (esc) que habitualmente posúen os teclados conectados aos ordenadores persoais e outros equipos informáticos e que xeralmente serve para saír de programas, dunha acción executada por un programa ou para cancelar un proceso ou acción. En cada aplicación pode executar ordes diferentes.

Frases feitas

A escape loc adv Moi rapidamente, á présa. Ex: Sempre sae a escape cando oe o coche dos pais.