limpo -pa

1. p irreg

   de limpar ou limparse.

2. adx

   1. Que non ten mancha nin sucidade. Na tradición oral recóllense ditos como: “Non é limpo o que limpa, senón o que non luxa. Tan limpa é a miña nora que ata os allos lava. Tan limpa e tan recachada, e cada mes pon a camisa lavada”.

      Ex: Os cristais quedaron moi limpos. Puxo unha camisa limpa. 

   2. Que non ten mesturas nin impurezas.

      Ex: Dese pozo obtense auga limpa. 

   3. Que non ten alteracións.

      Ex: As imaxes desde o estadio chegaban limpas e nidias. 

3. adx

   1. Que está libre de algo.

      Ex: O vento deixou o val limpo de néboa. O prato da sobremesa quedou limpo. 

   2. Que está despoxado do que lle sobra ou do que non serve.

      Ex: Pídelle á peixeira que che poña un quilo de fanecas limpas. 

   3. Aplícase á cantidade de cartos que xa están libres de impostos ou deducións.

      Ex: Gañou 1.200 euros limpos. 

4. adx

   1. Que ten o hábito ou o costume da limpeza.

      Ex: É unha persoa moi limpa. 

   2. Que non ensucia, dana ou contamina.

      Ex: É preciso utilizar enerxías limpas que non danen a natureza. 

5. adx

   Que se percibe de xeito nítido por non presentar irregularidades.

   Ex: O contorno das montañas constitúe un corte limpo na paisaxe. 

6. adx

   1. Que ten horadez ou decencia.

      Ex: Non é xente limpa esa coa que te xuntaches. 

   2. Que non cometeu ningún acto ilegal.

      Ex: Examinaron o vehículo e deixaron que o condutor marchase porque estaba limpo. 

7. adx

   Que está ben feito.

   Ex: Os albaneis fixéronlle un traballo limpo e curioso. 

8. adx

   Que perdeu os cartos ou que quedou sen nada, aplicado especialmente aos xogos de azar.

   Ex: Foi ó bingo e saíu limpo. 

9. adx

   Que segue as regras fixadas.

   Ex: O árbitro pediulles ós loitadores que fixesen un combate limpo. 

10. s m

    Aplícase aos fondos mariños e fluviais que non presentan perigo para a navegación.

11. adv

    Con limpeza.

Frases feitas

• A golpe limpo/A patada limpa. Dar, repetidamente, o que se expresa. Ex: Sacárono do bar a patada limpa.

• A golpe limpo/A patada limpa. Dar, repetidamente, o que se expresa. Ex: Sacárono do bar a patada limpa.

• Pasar/poñer a limpo. Facer definitivo o que se tiña de xeito provisional. Ex: Teño que pasar a limpo as notas que tomei na clase.

• Pasar/poñer a limpo. Facer definitivo o que se tiña de xeito provisional. Ex: Teño que pasar a limpo as notas que tomei na clase.

• Sacar en limpo. Conseguir algún tipo de beneficio. Ex: Non saquei nada en limpo das súas explicacións.

• Sacar en limpo. Conseguir algún tipo de beneficio. Ex: Non saquei nada en limpo das súas explicacións.