nariz

1. s m [ZOOL]

   Órgano do olfacto dos vertebrados, de conformación moi diversa, que consta basicamente de dúas bolsas -ou unha, no caso dos ciclóstomos- situadas na parte anterior da cabeza e abertas ao exterior por un número de orificios que oscila entre os dous pares por bolsa (nos peixes) e un orificio por bolsa (no resto de vertebrados). Nas persoas ten a forma dunha pirámide triangular de vértice superior e base inferior, con dous buracos. Formada polas cartilaxes, músculos e pel, está tapizada interiormente por unha porción da mucosa pituitaria.

   Confrontacións: fociño.
2. s m

   Elemento agudo de certas cousas con forma semellante ou que recorda o nariz humano.

   Ex: O avión tiña o nariz agudo e as ás longas.

3. s m

   Sentido do olfacto.

   Ex: Ten moi bo nariz para os perfumes. 

4. s m

   Persoa experta na clasificación e identificación de perfumes por medio do olfacto.

5. s m [CONSTR]

   Peza metálica onde encaixa a aldraba.

Frases feitas

• Dar no nariz. Sospeitar algo. Ex: Dáme no nariz que non vai vir.

• Meter o nariz. Entremeterse alguén nun asunto. Ex: Non metas o nariz no que non che importa.

• Torcer o nariz. Non agradar algo. Ex: Cando viu o que había de comer torceu o nariz.