veza

Planta herbácea anual, pubescente ou sen pelos, de ata 80 cm de altura, con talos gabeadores ou rastreiros. As follas son paripinnadas con folíolos xeralmente lineais ou oblongos, con gabiáns simples ou ramificados. As flores, solitarias ou en parellas, teñen a corola púrpura ou violeta. O froito é un legume castaño. Habita en lugares herbáceos e cultivos. Distribúese por toda Europa e en Galicia danse tres subespecies: V. sativa subsp nigra, V. sativa subsp sativa e V. sativa subsp cordata.

Froito da veza que se emprega como alimento de diversas aves, especialmente das pombas.