Abbeville

Xacemento arqueolóxico situado nas terrazas fluviais do río Somme, preto da cidade de Abbeville (Picardía, Francia) descuberto polo prehistoriador Boucher de Perthes en 1844. A partir do estudo dos útiles sobre seixos alí descubertos, asociados a unha fauna xa extinguida, demostrou a antigüidade da presenza humana sobre a Terra. Posteriormente, o prehistoriador Henri Breuil sistematizou o Abbevillense baseándose no conxunto lítico de Abbeville.