Temas

Xacemento de terraza no deserto do Negev (Israel) que conserva unha secuencia estratigráfica fundamental para o estudo da transición do Paleolítico medio ao superior (47.000-38.000 BP) no Próximo Oriente. A análise espacial revela o tránsito dende o Musterense -puntas e láminas obtidas coa técnica de talla bipolar Levallois-, con lugares de actividade específica diferentes, ao Emirense -láminas de talla unipolar e puntas de Emireh-, con diferentes concentracións de restos que son o resultado dunha mesma actividade, que se ben explicando pola maior mobilidade dos grupos humanos de cazadores-recolledores emirenses.

Xacemento arqueolóxico minoico situado na chaira de Messara, en Creta. Únese a Knossos, ao N, por unha calzada. Escavouse un palacio de planta cun patio central con edificios ao seu redor. Ten dúas etapas construtivas, a máis recente comprende entre o Minoico Medio III e o Minoico Recente II.

Xacemento arqueolóxico do sueste de Asia Menor, preto de Malatya, onde se atopou un conxunto moi notable de esculturas da época hitita clásica.

Xacemento prehistórico situado na vila homónima. En 1894 descubríronse unha serie de tumbas nas que se atoparon vasos campaniformes. A relevancia destes achados ocasionou que este lugar dese nome a un estilo de vaso campaniforme.

Xacemento arqueolóxico do Plio-plistoceno (1,8 M a) sobre un nivel lacustre situado no concello de Orce (Andalucía). Nesta localidade atopáronse numerosos restos de animais parcialmente removidos, asociados a un conxunto de sílex no que predominaban as pequenas lascas, aínda que tamén se detectou a presenza de núcleos e manuportes. A análise espacial do xacemento demostra a existencia de dous solos diferentes, no primeiro deles establécese unha clara relación entre as industrias líticas e os restos dun hipopótamo. Así mesmo, nesta localidade arqueolóxica detectouse un molar humano.

Xacemento prehistórico nos montes Bajsun-Tan, en Uzbekistán, onde entre 1838 e 1839 foron atopados restos de esqueleto humano (home de Tešik-Taš) correspondente a unha cultura lítica de tipo musteriano.

Xacemento prehistórico de Novo México, onde foron achadas algunhas panochas dun millo primitivo.

Xacemento neolítico do SO de Anatolia nas proximidades de Burdur. Habitado por unha comunidade de agricultores entre o 7000? a C e finais do 5000? a C, trátase dunha aglomeración de casas de adobe con tellados planos. Foi fortificado durante a inestabilidade política de Anatolia. Encontráronse numerosos restos cerámicos fabricados manualmente, entre os que destacan varios vasos con formas antropomorfas.

Xacemento arqueolóxico situado na ría de Aldán, na península do Morrazo. O núcleo principal sitúase sobre a praia da Cunchosa. Atopáronse restos de industria lítica e, sobre todo, cerámicos. A cerámica, cocida ao aire libre e feita a man pola técnica dos cordóns, é semellante á doutros xacementos do Neolítico anterior ao Megalitismo do IV milenio a C.

Xacemento fosilífero descuberto en 1907 por Charles D. Walcott nas Montañas Rochosas da Columbia Británica (Canadá) preto do paso de Burgess. Dos xistos de Burgess Shale proceden un conxunto de animais pertencentes á fila, xurdidos hai 550 Ma, totalmente descoñecidos hoxe na Terra; entre eles atópanse os xéneros Hallucigenia, Nectocaris, Opabiana e Pikaia, que habitaron os mares durante a era Precámbrica. Ademais, atopáronse anélidos relacionados coas actuais miñocas, priapúlidos, un tipo arcaico de verme de mar, e cordados primitivos. Os fósiles de Burgess Shale foron examinados por Harry Whittington e Conway Morris a partir dos anos sesenta e constitúen un dos feitos que sustentan a teoría continxente da historia da vida do paleontólogo Stephen Jay Gould.