Temas

Xacemento prehistórico nos montes Bajsun-Tan, en Uzbekistán, onde entre 1838 e 1839 foron atopados restos de esqueleto humano (home de Tešik-Taš) correspondente a unha cultura lítica de tipo musteriano.

Xacemento de Tyrone (Irlanda), situado na aba dun outeiro que domina unha braña. É o asentamento máis antigo do Neolítico irlandés (3650 a C). A súa ocupación continuouse ata o Neolítico final e a época do vaso campaniforme. A análise de pole mostra avances e retrocesos no cultivo do trigo e da cebada.

Xacemento arqueolóxico exipcio de época menfita, 11 km ao SO do Cairo. Un dos cinco sectores da necrópole constitúe o camposanto principal, pero non exclusivo, dos faraóns da V Dinastía, constituído principalmente polas pirámides de Sahuré, Neferirkara-Kakai, Niuserre e Neferefre. O xacemento comprende tamén un templo solar, tipoloxía arquitectónica exclusiva da V Dinastía (Imperio Antigo Exipcio).

Xacemento situado na praia do Carreiro (O Grove). Conserva restos de sartegos de pedra antropoides, restos de época romana e os alicerces do que sería unha igrexa visigótica e a súa necrópole adxacente.

Xacemento prehistórico situado na vila homónima. En 1894 descubríronse unha serie de tumbas nas que se atoparon vasos campaniformes. A relevancia destes achados ocasionou que este lugar dese nome a un estilo de vaso campaniforme.

Xacemento neolítico da Cisxordania de grande extensión que rexistra unha fase final do Neolítico precerámico do Próximo Oriente (6200/5500 a C), na época en que nesta rexión remata o proceso de domesticación animal (bóvidos, cápridos e porcino). Cómpre salientar a presenza neste xacemento de estatuaria de arxila representando humanos a tamaño natural.

Xacemento ar-queolóxico exipcio situado na ribeira occidental do Nilo, á altura de Luxor. Coñécese como o Val dos Nobres, porque alí foron enterrados personaxes das dinastías XVIII-XX. Comprende máis de cen tumbas de tipo hipoxeo. Destaca a decoración, principalmente pinturas, pero en ocasións tamén relevos, que ilustra sobre moitos aspectos da vida cotiá faraónica.

Xacemento situado no litoral inglés, sobre unha plataforma de area que se constituíu nunha época quente preto dunha lagoa; bioestratigraficamente debe situarse no Cromerense (0,5 Ma). Neste xacemento aparece asociada fauna, unha tibia humana e diversos artefactos en sílex local. Os artefactos, bifaces ovalados, débris (produtos da labra rexeitados) e útiles sobre lasca (raspadeiras), atópanse en grandes concentracións e testemuñan o traslado e manufacturación da materia prima no mesmo lugar de habitación. Estes obradoiros son un fenómeno raro no Paleolítico inferior, aínda que no medio son máis comúns.

Xacemento arqueolóxico da India, ao S de Allahabad. É unha cidade fortificada da Idade do Ferro, coa típica cerámica negra vernizada, de onde xurdiron uns selos co nome de Vichhi e Vichigrama.

Xacemento en cova con presenza humana testemuñada no Musterense e no Auriñacense situado en Drianovo (Bulgaria). A ocupación Auriñacense (43.000 BP) é a máis antiga que se coñece ata agora para este período europeo, polo que a interpretación máis común relaciona este xacemento coa orixe e difusión do Homo sapiens sapiens por Europa. Outras interpretacións crean a partir do conxunto industrial do nivel 11 unha variante local que denominan Bachokirense, clasificable entre as industrias de láminas centroeuropeas de orixe autóctona e lixeiramente anterior ao máis antigo Auriñacense.