Temas

Xacemento característico da cultura hurrita, no val de Orontes, actualmente no il de Hatay (Turquía), coñecido como Tell Açana.

Xacemento prehistórico situado no departamento de Dordogne (Francia), que deu nome ao Madaleniano. Atopáronse diversos intrumentos feitos en cornamenta de reno.

Xacemento arqueolóxico da India, situado por riba do golfo de Khambhat. Marca, xunto cos xacementos de Telod e Megham, o límite meridional da cultura do Indo.

Xacemento arqueolóxico da Anatolia, a uns 30 km de Bogazköy, no val do río Kizilirmak. Consta de dous grandes complexos: o inferior, do III milenio a C e o superior, da época hitita clásica.

Xacemento arqueolóxico situado nas terrazas fluviais do río Somme, preto da cidade de Abbeville (Picardía, Francia) descuberto polo prehistoriador Boucher de Perthes en 1844. A partir do estudo dos útiles sobre seixos alí descubertos, asociados a unha fauna xa extinguida, demostrou a antigüidade da presenza humana sobre a Terra. Posteriormente, o prehistoriador Henri Breuil sistematizou o Abbevillense baseándose no conxunto lítico de Abbeville.

Xacemento arqueolóxico de Afganistán, pertencente á actual Jalālābād. Antigo centro monástico budista, conserva vestixios de santuarios con restos de frescos e esculturas de estilo grecobúdico (ss IV - II a C).

Xacemento arqueolóxico minoico situado na chaira de Messara, en Creta. Únese a Knossos, ao N, por unha calzada. Escavouse un palacio de planta cun patio central con edificios ao seu redor. Ten dúas etapas construtivas, a máis recente comprende entre o Minoico Medio III e o Minoico Recente II.

Xacemento arqueolóxico do Plio-plistoceno (1,8 M a) sobre un nivel lacustre situado no concello de Orce (Andalucía). Nesta localidade atopáronse numerosos restos de animais parcialmente removidos, asociados a un conxunto de sílex no que predominaban as pequenas lascas, aínda que tamén se detectou a presenza de núcleos e manuportes. A análise espacial do xacemento demostra a existencia de dous solos diferentes, no primeiro deles establécese unha clara relación entre as industrias líticas e os restos dun hipopótamo. Así mesmo, nesta localidade arqueolóxica detectouse un molar humano.

Xacemento da India, a súa completa estratigrafía permitiu o estudo do eneolítico na Península Índica.