abrigar

1. v t

   Gorecer do frío ou das severidades do tempo.

   Ex: As cortes abrigaban o rabaño nos días crus de inverno.

   Sinónimos: abeirar, amparar, resgardar.
2. v pron

   Protexerse do frío e das malas condicións meteorolóxicas.

   Ex: Abrigáronse da chuvia baixo o balcón da casa.

3. v t [MAR]

   Poñer unha embarcación ao abrigo.

   Ex: Ó chegar do mar abrigaron as gamelas no porto.

4. v t [AGR]

   Resgardar as cepas e os abrollos para darlles estabilidade e abrigo ás raíces.

   Ex: Perderon toda a colleita de albariño por non abrigar as videiras a tempo.

5. v t

   Ter esperanzas, sospeitas ou desexos de que algo se cumpra.

   Ex: Despois de dous anos aínda abrigaban a ilusión de que a sorte lles chegase á porta.

Frases feitas

• Abrigar dúbidas/sospeitas. Dubidar ou sospeitar algo.

• Abrigar o estómago. Comer algo, normalmente algo quente.