Acción Gallega

Publicación da Casa de Galicia de Bos Aires, editada entre o 24 de xuño de 1920 e decembro de 1925 e dirixida por Antonio R. da Fraga, Manuel do Río Candamo e Rodolfo Prada. A partir do número 17 dirixiuna Pedro F. García. Nela colaboraron Blanco Amor, Xoaquín Pesqueira, R. Conde Salgado, Fortunato Cruces, Antón Zapata, Victoriano Taibo e Antón Rey Soto, entre outros. Tamén narracións de Xaquín Bacelo e Asieumedre xunto con traducións de textos de Tagore e Whitman.