acipensérido

Peixe da familia dos acipenséridos.

Familia de peixes da orde acipenseriformes. Posúen cranio subespatulado e recuberto de ósos con membrana de orixe dérmica, cinco fileiras de escudetes óseos ao longo do corpo e boca tubulosa, carente de dentes, protráctil, ventral e con barbas sensoriais. Comprende diversos xéneros de esturións. Son animais migradores do hemisferio boreal, sobre todo de Europa Oriental e Asia. Nacen nos grandes ríos, onde os adultos penetran cada primavera para desovar.