Acosta Pan, Gonzalo

Empregado de banca. Membro do Partido Republicano Radical-Socialista, en novembro do 1933. Despois da escisión deste, foi candidato nas eleccións xerais polo Partido Radical-Socialista Independiente. No 1935 foi Secretario Xeral do Consello Provincial de Izquierda Republicana da Coruña, presidindo a Agrupación Municipal deste partido na cidade. Foi presidente do Casino Republicano coruñés. En xullo do 1936 foi nomeado para o cargo de Gobernador Civil de Pontevedra. Apresado logo do alzamento militar, logrou fuxir nun primeiro momento, sen embargo, detivérono no mes de agosto na Coruña e trasladárono a Vigo, onde foi sometido a consello de guerra e, posteriormente, condenado e fusilado.

Cronología