acoutación

Anotación á marxe dun escrito.

Nun texto teatral, nota explicativa onde se atopan indicacións escénicas do autor para unha posible posta en escena, con referencias ao movemento dos personaxes. Pertencen ao corpo didascálico e paratextual formado por todo o que nun texto dramático non é diálogo: lista de dramatis personae, nome dos personaxes que precede a cada réplica, disposición da escena, movemento dos personaxes, referencias iniciais a unha localización da acción nun espazo e tempo determinados, notas para a montaxe, e citas ou resumes argumentais.