acrobacia

(< acróbata)

s f
1. Arte de executar pinchos, equilibrios e todo tipo de exercicios perigosos sobre a corda frouxa, cabalos, bicicletas e demais, xunto con outros arriscados exercicios dinámicos.
  
  Ex: No circo hai varios números de acrobacias.
2. Acto ou manobra que presenta dificultades excepcionais.
  
  Ex: Fixo unha acrobacia para non caer no charco.
s f [ESPECT]
Número de variedades que o artista fai con todo tipo de aparellos como trapecios, aneis, pértegas e arames, ou sen outro accesorio que unha alfombra colocada sobre a pista.

Ex: O saltimbanqui escordou un pé cando estaba a facer as acrobacias.
acrobacia aérea [AERON]
Conxunto de movementos de habilidade realizados durante un voo. Considerada unha práctica deportiva, as manobras realizadas empréganse habitualmente nos combates aéreos. As principais figuras acrobáticas son o picado na vertical, o rizo ou looping, o caracol, a caída con perda de velocidade e a volta Immelmann.

Palabras veciñas