activismo

Designación xenérica dalgunhas correntes filosóficas modernas que acentúan o predominio da acción sobre o coñecemento. Neste sentido, o pragmatismo ou o instrumentalismo participan do activismo; sen embargo, a corrente denominada propiamente activista considera que a verdade é independente da experencia que teñamos dela, como postulaba Eucken. Por esta razón, ás veces, identifícase coa filosofía da acción.

Designación das filosofías que consideran propio da natureza humana, unha constante actividade de superación e de conquista, como a de Jean-Marie Guyau e a de Friedrich Nietzsche.