Adiabé

Rexión da Asiria setentrional, no actual Kurdistán iraquí, ao leste do Tigris. Foi coa súa capital Arbela (actual Arbīl), unha das provincias máis importantes do Imperio Asirio, Persa e Seleúcida. Baixo os partos acadou unha certa independencia, malia que era un reino tributario destes, que rematou co sometemento ao Imperio Romano en tempos de Traiano, no ano 114, se ben quizais xa era un protectorado romano dende a época de Marco Aurelio. Posteriormente, rematou baixo o dominio dos sasánidas.