afiar

1. v t

   Facer fío ou dar gume a un instrumento para que corte mellor.

   Ex: Afiou o coitelo na pedra de amolar para despezar o porco.

   Sinónimos: aguzar, amolar.
2. v t

   Sacar punta ao extremo dun obxecto ou facela máis aguda.

   Ex: Afiaron os lápis para debuxar mellor.

   Sinónimos: aguzar.
3. v pron

   Enmagreceren algunhas partes do corpo, especialmente o rostro, o nariz e os dedos.

   Ex: Coa idade afiáronselle as faccións.

   Sinónimos: adelgazar.

Frases feitas

• Afiar a lingua. Prepararse para dar respostas, facer críticas, etc con máis enxeño, sorna ou mordacidade.

• Afiar as unllas. Prepararse para iniciar un ataque ou un negocio.

• Afiar os dentes. Prepararse para comer.