aguzar

1. v t

   Adelgazar ou facer máis aguda a punta, o gume ou o apéndice dunha arma, ferramenta, instrumento de corte ou utensilio ata deixalo en punta.

   Ex: Aguzou o espeto para cravalo na leira. Aguza ben o coitelo que non corta.

   Sinónimos: afiar.
2. v t

   Espertar o sentido, facer máis perspicaz, máis vivo e agudo.

   Ex: A lectura aguza o intelecto.

3. v t [TECNOL]

   Dar forma cónica ao extremo dunha peza cilíndrica ou facer un bisel moi agudo na cara dunha peza plana.

4. v t

   Termo do barallete, xerga dos afiadores e paraugueiros, que corresponde á voz ‘afiar’.

   Sinónimos: amolar.

Frases feitas

• Aguzar as orellas. Estar atento e prestar atención.