Agar y Bustillo, Pedro

Despois de adestrarse na Compañía de Gardas Mariñas do Departamento de Cádiz, embarcou no navío Santo Domingo iniciando, así, a súa carreira marítima. Foi alférez e tenente de fragata e de navío. Participou no bloqueo a Gibraltar. Formou parte do corpo de Enxeñeiros da Armada no Departamento de Ferrol e ascendeu a director das Compañías de Gardas Mariñas de Ferrol, Cádiz e Cartagena. En 1810 ocupou o cargo de membro do Consello de Rexencia polas Cortes Xerais Extraordinarias pero cinco anos despois foi detido por orde do Xeneral Erguía xunto a outros membros do Consello de Rexencia. Despois de permanecer no desterro santiagués, fíxose cargo da xefatura galega do pronunciamento do Xeneral Riego e creou na Coruña a Xunta Provisional do Goberno de Galicia. Finalmente, renuncia ao seu cargo de Capitán Xeneral para ocupar unha praza no Consello de Estado en Madrid.

Cronología