Ak Koyünlü

Confederación de turcomanos sunnitas establecida a finais do s XIV, ao O de Armenia e ao N de Mesopotamia, con centro en Diyarbakir. A dinastía principiou con Kara Yülük Osman (1378-1435). Nas loitas de Tamerlán e Baiaceto I, os Ak Koyünlü favoreceron o primeiro. No 1467 derrotaron os Kara Koyünlü. Coa derrota (1473) de Uzun Hasan, comezou a decadencia da dinastía ata ser aniquilada (1508) polos safávidas.