Alceo

Poeta lírico grego, contemporáneo de Safo. De orixe aristocrática, loitou contra a tiranía, como queda reflectido na súa obra, inzada de alusións aos acontecementos políticos. Escribiu, en dialecto eólico, himnos, odas, cantos amorosos e epigramas dos que se conservan algúns fragmentos. Influíu en Teócrito, que imitou a súa forma poética, e en Horacio, que adaptou o ritmo chamado alcaico -do que fora creador- á métrica latina.

Cronología