Alcestis

Personaxe mitolóxica feminina que consentiu en morrer no canto do seu marido Admeto para procurar a súa salvación, prometida por Apolo. Heracles penetrou nos infernos para rescatala. Eurípides, baseándose neste tema, escribiu a traxedia Alkestis (Alcestis, 438 a C). Tamén inspirou outras traxedias posteriores: Alceste (1709), de Martello, inspirada na obra clásica de Eurípides; Alcestis segunda (1798), de Alfieri, que fai da obra de Eurípides unha traxedia ao gusto neoclásico; Alkestis (1916), de von Hofmannsthal, que é a versión lírica do mesmo tema; Pérez Galdós procurou actualizar o conflito fundamental da traxedia e Racine deixou inacabado un intento de reelaboración da personaxe. É tamén o tema da ópera Alceste, de C. Gluck.