Altan Khan

Soberano de Mongolia (1543-1583). Neto do Dayan Khan, apoiouse na rama sudmongólica dos ordos e dos tumetos, e conquistou un amplo territorio entre Huhn Nur e a Xungaria. Atacou China e chegou a asediar Pequín (1550), posteriormente concedéuselle o título de Príncipe da China para acadar a paz. Levou unha vida semisedentaria en Huh Hoto. Favoreceu a reintrodución entre os mongois do budismo tibetano, eliminado da China no 1368 xunto coa dinastía Yuan. Recibiu o terceiro Dalai Lama, da seita do Sombreiro Amarelo (Gelugpa) que se estende por toda Mongolia. Comezou, así, un florecemento da cultura mongólica que entrou no seu período clásico. Baixo o seu pulo fundáronse moitos mosteiros e estendeuse a crenza na reencarnación.

Cronología