alumno -na

(< lat alumnus, de alĕre‘criar’)

s [PEDAG]
Persoa que recibe ensino en relación ao seu mestre, ao establecemento docente no que se recibe ou á materia que se aprende.

Ex: Os seus alumnos aprenden matemáticas sen necesidade de calculadora.
Confrontacións: estudiante.
[MAR]
Agregado naval.
alumno bolseiro
1. Persoa que obtén unha asignación económica ou bolsa para continuar cos seus estudios.
  
  Ex: Os alumnos bolseiros prepararon unha serie de xornadas sobre linguaxe musical.
2. Persoa que é eximida de pagar matrícula ou mensualidades nos centros de ensino.
alumno interno
Persoa que vive e estudia dentro dun establecemento de ensino.
alumno por libre
1. Persoa que non segue os seus estudios nos centros recoñecidos polo estado, pero que ten que ser examinado polos tribunais dos centros oficiais.
2. Alumno universitario que non está obrigado a asistir ás clases do centro, pero que ten que examinarse perante os profesores daquel.
3. Persoa que obtén da autoridade docente o permiso de asistencia ás clases e prácticas dos alumnos oficiais, e examínase despois como alumno libre.

Palabras veciñas