Alvedro, aeroporto de

Aeroporto situado no lugar homónimo da parroquia de Almeiras, no concello de Culleredo, e que dá servizo á área metropolitana da Coruña. Inaugurado o 24 de maio de 1963, ten categoría de aeroporto doméstico, aínda que ofrece servicios regulares con París e Londres cunha frecuencia de tres voos semanais en ambos os casos. Conecta diariamente con Barcelona e Madrid, e tamén ten liñas regulares con Bilbao e Oviedo. En 1997 rexistrou un total de 405.068 pasaxeiros.