Amigos del Progreso, Los

Semanario dominical científico e literario, aparecido o 13 de xuño de 1886 en Pontevedra como voceiro da sociedade Los Amigos del Progreso. Foi impreso por Verea e Quintáns. Dirixido polos irmáns Torcuato e Renato Ulloa, contaba coas colaboracións de Rosario Acuña, Federico Lafuente, Rafael Quesada e Rudesindo Iglesias, entre outros. Contiña seccións de literatura, ciencias e algunha outra sobre novas da sociedade.