anódico -ca

Pertencente ao ánodo, que emana do ánodo.

Na electrólise por ignición, incremento importante e súbito da voltaxe, que se produce cando a densidade de corrente anódica sobrepasa un certo valor crítico. O efecto anódico está causado pola formación, entre o ánodo e o electrólito fundido, dunha película gasosa continua que actúa coma un illante.

Nunha electrólise, lodos que se producen no espazo anódico ao desagregarse os ánodos solubles.

Nun tubo electrónico, ións positivos que se forman polas impurezas existentes na superficie do ánodo metálico cando o baleiro é moi elevado e o campo eléctrico moi intenso.