apertar

1. v t

   Exercer unha forza ou presión sobre un obxecto.

   Ex: Tes que apertar durante moito tempo para que acenda o ordenador.

   Sinónimos: premer.
2. v t

   Cinguir a alguén entre os brazos exercendo certa presión.

   Ex: Despois de tantos anos, cando me viu apertoume con moitísima forza.

   Sinónimos: estreitar.
3. v t

   Tirar dunha corda ou dun nó polos extremos estreitando o paso.

   Ex: Aperta ben os cordóns dos zapatos para non caer.

4. v t

   Facer máis compacta algunha cousa comprimíndoa.

   Ex: Apertou a area dun molde para que lle saíse unha bonita figura.

   Sinónimos: amagar, amazocar.
5. v t

   Mover un mecanismo coa intención de achegar ou fixar dúas pezas do mesmo.

   Ex: Aperta ben eses rodamentos para que non se mova.

6. v t

   Pechar dun xeito firme e seguro.

   Ex: Aperta ben a man coa miña e xa verás como non doe.

7. v t

   Obstaculizar a evacuación do intestino.

   Ex: Por mor do exame apertoulle o ventre e non se encontra nada ben.

   Confrontacións: estrinxir.
8. v t

   Espremer con forza.

   Ex: Apertei a laranxa ó máximo ata que puiden obter o seu zume.

9. v t

   Esixirlle a alguén o máximo que poida dar.

   Ex: O profesor de galego é o que menos aperta os alumnos a final de curso.

10. v t

    Influír con coaccións, ameazas ou rogos sobre unha persoa para que realice algo concreto.

    Ex: Estíveno apertando ó máximo pero dixo que non quería responsabilidades.

11. v i

    Quedar moi xusto un obxecto a unha persoa.

    Ex: Como engordei, todos os pantalóns me apertan e non estou cómodo.

12. v i

    Darse présa para chegar a tempo.

    Ex: Aperta o ritmo das pedaladas se queres que cheguemos ó cume antes da noite.

13. v i

    Manifestarse de forma moi intensa, sentíndose moi directamente.

    Ex: Isabel pasou unha mala fin de semana por mor dunha dor de moas que lle apertaba.

14. v pron

    Colocarse uns xunto a outros.

    Ex: Apértome un pouco a ti para que os demais poidan entrar no coche.

15. v pron

    Sentir dificultades para evacuar o intestino.

    Ex: Apertouse despois do xantar e agora non sae do cuarto de baño.

    Confrontacións: estrinxir.

Frases feitas

• Apertar a bolsa/o cinto. Economizar.

• Apertar a facer algo. Facelo con constancia e interese.

• Apertar as pernas. Fuxir a escape.

• Apertar o gañote. Aforrar.

• Apertar o paso. Andar máis á présa.

• Apertar(lle) as botas/as caravillas/as cuñas/as costuras/os nocelos. Recriminar; meter nun apuro a alguén."

Formas incorrectas