apiácea

Individuo da famila das apiáceas.

Familia de plantas da orde das arilais á que pertencen 300 xéneros e 3.000 especies. Son principalmente herbáceas anuais ou perennes e rara vez lianas ou arbustos. As follas son alternas e, xeralmente, compostas e divididas. As flores son hermafroditas, pentámeras e case sempre actinomorfas, presentan un nectarífero e están dispostas en umbelas. Algunhas especies desta familia empréganse como alimento, como especias ou como plantas medicinais. En Galicia están presentes os xéneros Angelica, Anthriscus, Apium, Carum, Conopodium, Chaerophyllum, Chrithmum, Daucas, Eryngium, Foeniculum, Heracleum, Hydrocotile, Laserpitium, Oenanthe, Peucedanum, Physospermum, Pimpinela, Sanicula, Scandix, Seseli, Smyrnium, Thapsia, Tordylium e Torilis.