ardeido -da

Relativo ou pertencente aos ardeidos.

Ave da familia dos ardeidos.

Familia de aves da orde dos ciconiformes, integrada por especies de talle grande e medio, pernilongas, co pescozo longo e flexible. Os catro dedos das patas son libres ou ben os tres anteriores están unidos parcialmente por unha membrana. Teñen o peteiro longo e de forma cónica para ser empregado como arpón. Viven preto da auga. Pertencen a esta familia as garzas o os abetouros.