Argos

Cidade do Peloponeso, Grecia, no nomós da Argólida (20.320 h [1981]). Aparece xa nos poemas homéricos como capital do Rei Agamennon, feito que reflicte a súa importancia dentro da civilización micénica. Despois das invasións dorias dos ss VIII-VII a C superou as cidades rivais de Tirinto e Micenas, e chegou a dominar toda a Argólida e parte do Peloponeso. Aliada con Atenas, interveu na Guerra do Peloponeso contra Esparta e saíu derrotada (418 a C). Despois dun breve período de tiranía sumouse á Liga Aquea (229 a C). Acadou novamente certa importancia baixo o Imperio Bizantino.