Arias Varela, Manuel

Pintor. Malia que sempre permaneceu aferrado ás solucións plásticas do Barroco, foi o introdutor das primeiras tendencias neoclásicas en Galicia. Traballou na decoración pictórica da Catedral de Santiago de Compostela entre os anos 1750 e 1782, destacando pola súa significatividade os frescos da antesala e da biblioteca capitular (1780). Así mesmo, foi un sobranceiro retratista, como evidencian os retratos dos Reis Católicos que fixo para a Sala Real do Hospital Real de Santiago de Compostela.

Cronología