Aristarain, Adolfo

Realizador cinematográfico. Comezou como axudante de dirección. Combina co seu propio estilo as preocupacións sociais, tratadas con ironía melancólica cunha forma sólida de dirixir. Entre as súas principais realizacións destacan La parte del león (1978), Tiempo de revancha (1981), Los últimos días de la víctima (1982), La ley de la frontera (1995) e Martín Hache (1997), protagonizada por Federico Luppi, un dos seus actores favoritos. Rodou a serie de televisión Aventuras de Pepe Carvalho (1983-1985). Polo seu filme Un lugar en el mundo (1991) recibiu premios en Arxentina, España (Premio Goya e Concha de Oro en Donostia), Canadá, Suíza, Francia e Brasil.

Cronología