Arkansas

Río dos EE UU, afluente do Mississippi pola marxe dereita. Ten unha lonxitude de 2.300 km. Nace nas montañas Rochosas no estado de Colorado, percorre parte das Grandes Chairas, pasa por Pueblo, Hutchinson e Wichita, Tulsa, Fort Smith e Little Rock, e desemboca no río Mississippi, ao N de Greenville. Os principais afluentes son o Cimarron, o Canadian e o Neosho. O caudal é moi variable.