Arkhangel’sk ou Arkhànguelsk

Capital da oblast’ de Arkhangel’sk, Rusia, á beira do Mar Branco (374.000 h [1995]). Industria da madeira (aserradoiros, pasta de madeira, papel e outros derivados). A mediados do s XVI os ingleses establecéronse na zona, en Kholmogory, e en 1584 trasladáronse á ribeira dereita do río, onde fundaron Novo Kholmogory. Este asentamento foi cambiado polo actual a causa do mosteiro que alí se lle dedicara a san Miguel Arcanxo (1613). Ata a fundación de San Petersburgo, en 1703, foi o único porto de mar de Rusia, sede do almirantado establecido polo Tsar Pedro o Grande no 1693.