armila

Espira, voluta ou anel do capitel dórico.

Forma xenérica usada para designar diferentes aparellos astronómicos, formados por un, dous ou máis círculos, que foron usados antigamente para efectuar observacións. O tipo máis primitivo e elemental, que substituíu o gnomon, estaba formado por un ou dous círculos e só se podía usar para observar o movemento do Sol (s III a C). No século seguinte apareceu outro tipo: a esfera armilar zodiacal. Ptolomeo (s II d C) chamou astrolabio a un tipo de armila portátil, nome co que é coñecida dende entón.

Tipo de anel dalgúns cogomelos (como os do xénero Armillaria) situado na parte superior do pé, preto do sombreiro.