armilar

Formado de aneis.

Antigo aparello astronómico constituído por diversos círculos metálicos, un deles fixo no plano do ecuador celeste e outro arredor dun eixe que representaba a liña dos polos. Permitía calcular directamente a ascensión recta ou o horario e a declinación. Foi coñecida e usada en China, pero descoñecida en Europa, cando menos durante a Idade Media.

Aparello astronómico formado por dous ou máis círculos e constituído como unha forma perfeccionada da armila. Permitiu a observación dos astros e o cálculo de lonxitude e latitude celestes entre os planetas e as estrelas.