arrastreiro

Barco utilizado na pesca de arrastre.

Tipo de embarcación que faena en augas sudafricanas e no Océano Índico, que ten unha media de 550 toneladas de rexistro bruto e unha tripulación de 26 homes. Está dedicado fundamentalmente á captura e conxelación de pescada, polbo e marisco, para o seu posterior procesamento nas industrias de terra. O porto con maior número de arrastreiros é Vigo, o principal porto pesqueiro de Europa, xunto coa Coruña, Cangas e Marín. OBS: Tamén se denomina arrastreiro conxelador.