arsenopirita

Sulfarseniuro de ferro, de fórmula FeAsS. Cristaliza no sistema monoclínico e preséntase en formas pseudorrómbicas e, a cotío, macladas. Pode conter cobre, níquel e ouro. É de cor branca de estaño ou gris clara, e ten exfoliación clara nunha dirección. Ten dureza 5,5-6 e peso específico 5,9-6,2. Chámaselle tamén mispíquel e pirita arsenical. É o mineral de arsénico máis importante.