ascáride

erme do xénero Ascaris da clase dos nemátodos, de 10-35 cm de longo, caracterizados por unha abertura bucal provista de tres grandes beizos. Todas as ascárides son parasitos intestinais de diversos vertebrados. A ascáride do home, Ascaris lumbricoides, ten de 15 a 25 cm de lonxitude. Os ovos son expulsados da persoa parasitada no excremento e poden ser inxeridos por outros homes na auga ou en alimentos contaminados, cos que se transmite a enfermidade (ascaridíase). As larvas tamén poden enquistarse nos músculos e, nas mulleres preñadas, atravesar as membranas placentarias e penetrar no feto, que queda contaminado.